பொறியியல் பட்டதாரி மாணவர்களுக்கு மத்திய அரசின் துறையில் சுமார் 480 வேலை வாய்ப்புகள் காத்திருக்கின்றன.
மத்திய அரசு பணியாளர் தேர்வாணையம் யுபிஎஸ்சி, 2027-ம் ஆண்டுக்கான பொறியியல் சேவைகள் முதல்நிலைத் தேர்வுக்கான அறிவிப்பை வெளியிட்டுள்ளது. இந்தத் தேர்வின் மூலம் மத்திய அரசின் பல்வேறு துறைகளில் பொறியியல் சார்ந்த பணியிடங்கள் நிரப்பப்பட உள்ளன. தோராயமாக 480 காலிப்பணியிடங்கள் நிரப்பப்பட உள்ளதாக அறிவிக்கப்பட்டுள்ளது.
**எந்தெந்த பொறியியல் பிரிவுகள்?**
சிவில், மெக்கானிக்கல், எலெக்ட்ரிக்கல், எலெக்ட்ரானிக்ஸ் மற்றும் தொலைத்தொடர்பு பொறியியல் பிரிவுகளில் பணி!
**தகுதிகள் என்னென்ன?**
அங்கீகரிக்கப்பட்ட பல்கலைக்கழகம் அல்லது கல்வி நிறுவனத்தில் மேற்கண்ட பொறியியல் பிரிவுகளில் பி.இ., பி.டெக் அல்லது அதற்கு இணையான பொறியியல் பட்டப்படிப்பை முடித்தவர்கள் விண்ணப்பிக்கலாம்.
சில குறிப்பிட்ட தொழில்முறை நிறுவனங்கள் நடத்தும் தொடர்புடைய தேர்வுகளில் தகுதி பெற்றவர்களுக்கும் விதிகளுக்கு உட்பட்டு விண்ணப்பிக்க வாய்ப்பு வழங்கப்படுகிறது.
**வயது வரம்பு**
2027 ஜனவரி 1-ம் தேதியின்படி குறைந்தபட்சம் 21 வயது நிரம்பியிருக்க வேண்டும். அதிகபட்ச வயது பொதுப்பிரிவினருக்கு 30 ஆண்டுகள்!
எஸ்சி, எஸ்டி, ஓபிசி, மாற்றுத்திறனாளிகள் உள்ளிட்ட குறிப்பிட்ட பிரிவினருக்கு மத்திய அரசு விதிகளின்படி வயது வரம்பில் தளர்வு உண்டு!
**தேர்வு முறை எப்படி?**
முதல்நிலைத் தேர்வு, முதன்மைத் தேர்வு மற்றும் ஆளுமைத் தேர்வு என மூன்று கட்டங்களாக நடைபெறும்.
**விண்ணப்பிப்பது எப்படி?**
தகுதியும் ஆர்வமும் உள்ளவர்கள் யுபிஎஸ்சியின் ஆன்லைன் விண்ணப்பத் தளமான upsconline.nic.in வழியாக விண்ணப்பிக்கலாம்!
**விண்ணப்பிக்க கடைசி தேதி!**
விண்ணப்பங்களை சமர்ப்பிக்க அக்டோபர் 6, 2026 மாலை 6 மணி வரை.
**முதல் நிலை எழுத்துத் தேர்வு எப்போது?**
முதல்நிலைத் தேர்வு ஜனவரி 31, 2027 அன்று நடைபெற உள்ளது.
