25 ஆண்டுகளுக்கும் மேலாக அச்சு இதழாக வெளிவந்த, ‘ தொட்டிய நாயக்கர் முரசு’ இணையதள வடிவத்தில் புதிய அவதாரம் எடுக்கும் தொடக்க விழா செப்டம்பர் 13 ஆம் தேதி நாமக்கல் மாவட்டம் இராசிபுரத்தில் நடைபெற்றது.
தொட்டிய நாயக்கர் முரசு பத்திரிக்கையின் ஆசிரியரும் வெளியீட்டாளரும் விடுதலைக் களம் கட்சியின் நிறுவனருமான திரு. கொ.நாகராஜன் அவர்களின் ஏற்பாட்டில், இராசிபுரத்தில் உள்ள சுமதி மஹால் அரங்கில் இந்நிகழ்வு நடைபெற்றது.
விடுதலைக் களம் கட்சியின் பொதுச் செயலாளர் பழனிச்சாமி வரவேற்புரையாற்றினார்,
மூத்த ஊடகவியலாளரும் சிவா மீடியாஸ் ஆசிரியருமான திரு. சிவசுப்பிரமணியன் அவர்கள் இந்த இணையதளத்தை தொடங்கி வைத்தார்.
இந்நிகழ்வில் தொட்டிய நாயக்கர் முரசு பத்திரிகையின் ஆலோசகரும் மூத்த அரசியல் ஆளுமையுமான சேலம் எம்.பி. சதாசிவம் அவர்கள் கலந்து கொண்டு சிறப்பித்தார்.
இந்த பத்திரிகைக்கு பல வகைகளில் நீண்ட காலம் பேருதவியாக திகழ்ந்துவரும் தங்கம் பிரிண்டர்ஸ் தனசேகரன், உப்பிலிய நாயக்கர் சங்கத் தலைவர் வெங்கடாசலம், நாமக்கல் மாவட்ட மதிமுக அவைத்தலைவர் ஜோதிபாசு, ஆரா அப்டேஸ் யுட்யூப் சேனல் ஆசிரியரும் மூத்த பத்திரிகையாளருமான ஆரா, ஓய்வுபெற்ற தலைமை ஆசிரியர் ரங்கசாமி, புதிய வாழ்க்கை கட்டிடத் தொழிலாளர் சங்க பொதுச் செயலாளர் மாணிக்கம், நவநீதன், ஸ்ருதி பிரிண்டர்ஸ், இணைய தள வடிவமைப்பாளர் தம்பி மோகன் குமார் குழுவினர், போடிநாயக்கன் பட்டியைச் சேர்ந்த நவீன், விக்ரம் உள்ளிட்ட தோழர்கள் மற்றும் பலர் பங்கேற்றனர்.
சிறப்பு அழைப்பாளர்களுக்கு நினைவுப் பரிசு வழங்கி, பொன்னாடை அணிவித்து கௌரவிக்கப்பட்டது.
தொட்டிய நாயக்கர் முரசு இணையதளத்தின் ஆசிரியரான கொ. நாகராஜன் விழாவில் பேசும்போது… கடந்த 25 ஆண்டுகளாக தொட்டிய நாயக்கர் முரசு பத்திரிக்கையை நடத்துவதற்கும்… அதை தொட்டிய நாயக்கர் மக்கள் வசிக்கும் கிராமங்களில் கொண்டு சேர்ப்பதற்கும் தான் சந்தித்த கடினமான அனுபவங்களை எடுத்துரைத்தார். அந்த காலகட்டங்களில் தனக்கு ஒத்துழைப்பு நல்கிய ஆளுமைகளை குறிப்பிட்டு நினைவு கூறி நன்றியுரைத்தார்.
இப்போது தொழில்நுட்பம் வளர்ந்து விட்ட நிலையில், இணையதளத்தில் தொட்டிய நாயக்கர் முரசு வெளிவருவதின் மூலம்… அரசியல் கல்வி வேலைவாய்ப்புகளில் உரிய பிரதிநிதித்துவம் இல்லாத தொட்டிய நாயக்கர் சமுதாய மக்களுக்கு விழிப்புணர்வை ஏற்படுத்தும் வகையில் தொடர்ந்து செயல்படுவோம் அதற்கு அனைவரின் ஒத்துழைப்பும் தேவை என வேண்டுகோள் வைத்தார் கொ.நாகராஜன்.
தோழர் நவீன் நன்றியுரை ஆற்றினார்.
இந்நிகழ்வில் ஆளுமைகள் ஒவ்வொருவரும் ஆற்றிய உரை தனித்தனியாக நமது தொட்டிய நாயக்கர் முரசு இணையதளத்தில் அடுத்தடுத்து வெளிவரும்!
