ஊழலை ஒழிக்க
உடனடி தேவை
ராஜகம்பளத்தாரின் அரசியல் எழுச்சி!
ராஜகம்பளம் என்றாலே கம்பீரமான வார்த்தை. பொதுவாகவே சிகப்பு கம்பளம் என்பது ராஜாக்களின் வருகையின் போது விரிக்கப்படும், ஒரு மரியாதையின் அடையாளமாக இருக்கிறது.
இன்று கூட உள்ளூரில் அரசியல் தலைவர்களோ, இந்தியாவுக்கு வெளிநாட்டு தலைவர்களோ வரும்போது அவர்களுக்கு சிவப்பு கம்பள வரவேற்பு என்பது அந்த அரசாட்சியின் அடையாளமாக விளங்குகிறது.
இப்படிப்பட்ட ராஜ கம்பளம் என்கிற கம்பீரமான பெயரை தாங்கி நிற்பவர்கள் தான் ராஜ கம்பளத்தார்கள். இந்த பெயருக்கும் முக்கியமான காரணங்கள் உண்டு.
அரசியலில் ஒரு காலத்தில் கோலோச்சியவர்கள் ராஜகம்பளத்தார்கள்.
திமுக அதிமுக கட்சிகள் வந்த பிறகு கம்பளத்தார் களின் அரசியல் எதிர்காலமே இல்லாது போனது.
ஒன்றுபட்ட திருச்சி இன்றைய கரூர் பகுதிகளில் மிகுந்த செல்வாக்கு கொண்ட கடவூர் சமஸ்தான ஐயா முத்தையா போல, இன்றைய தேனி போடிநாயக்கனூர் ஜமீன், திண்டுக்கல் வேடசந்தூர் பகுதிகள் போன்று பல இடங்களில் சமஸ்தானங்களின் வாரிசுகள் செல்வாக்காக இருந்தனர்.
மக்களின் ஏகோபித்த ஆதரவோடு… மக்கள் பணத்தில் பொது நிதியிலிருந்து ஒரு பைசா கூட தனக்காக எடுத்துக் கொள்ளாமல், தன்னுடைய சொந்த செல்வத்தை பொது காரியங்களுக்காக வாரி இறைத்தவர்கள் தான் ராஜ கம்பளத்தார்கள்.
இந்த தொடர்ச்சியான மரபு வழிவந்த பொது நல சிந்தனை ராஜகம்பளத்தார் இனத்தவரிடம் இருப்பதை கண்டறிந்த, கருப்புத் தங்கம் காமராஜர் தன்னுடைய காலத்தில் கம்பளத்தார்களுக்கு அதிக முக்கியத்துவம் கொடுத்தார்.
அவர் கேட்டுக் கேட்டுக் கொண்டதன் பெயரில் அன்றைய ஜமீன் வாரிசுகள் காங்கிரஸ் மோகத்தால் எந்த பிரதி பலனும் எதிர்பாராமல் மக்களுக்கு உழைத்தனர்.
இன்றைய கரூர் மாவட்டம் கிருஷ்ணராயபுரம் தொகுதியில் கம்பளத்தார்கள் அதிக அளவில் இருப்பதும், கடவூரில் ஐயா முத்தையா தொடர்ந்து வெற்றி பெறுவதையும் பொறுத்துக் கொள்ள முடியாமல் ஒரு அரசியல் தலைவர் அதை SC தொகுதி ஆக்கினார்.
இருந்தும் மருங்காபுரி சென்று அங்கும் வெற்றி பெற்றார். தோல்வி அடைந்தவர் திமுக உறுப்பினர்.
கடவூர் முத்தையா மக்களின் அபிமானத்தால் கடவூர் துரை என அன்போடு அழைக்கப்பட்டவர். காமராசர், பக்தவச்சலம், அண்ணா, கருணாநிதி, எம்ஜிஆர் என தமிழ்நாட்டை ஆட்சி செய்த ஐந்து முதல்வர்களும் இவரின் மீது மரியாதை கொண்டவர்கள்
அரசியலில் கரூர் இன்று எது எதற்கோ அடையாளமாகிப் போய்விட்டது. ஆனால் தூய்மையான அரசியலுக்கும் ஒரு துளி கூட பொது நிதியை தொட்டு விடாத புனித தன்மைக்கும் உதாரண புருஷராக வாழ்ந்த கடவூர் முத்தையா அவர்களே கரூரின் நிரந்தர அடையாளம்.
ராஜகம்பளத்தார்கள் பங்களிப்பு இல்லாமையால்தான் இன்றைய அரசியலில் இவ்வளவு ஊழல் மலிந்து இருக்கிறது என்றால் அது மிகையல்ல! ஊழலை ஒழிப்போம் என முழக்கமிடுபவர்கள் இந்த வரலாற்றை எண்ணிப் பார்க்க வேண்டும்.
இதை இவரால் முடியும் என இவரிடம் கொடுப்பது என்ற வள்ளுவர் வாக்கை சிந்திக்க வேண்டும்.
ராஜகம்பளத்தார்கள் மீண்டும் அரசியலில் மேலோங்கினால், அரசியலில் லஞ்ச லாவண்யம் விரட்டி அடிக்கப்படும்!
